बोलोरो पिक अप वाहन पोलिसाचे अंगावर घातल्याने पोलीस रामेश्वर परचंडे यांचा मृत्यू
माणदेश एक्सप्रेस न्युज
सोलापूर : सोलापूर ग्रामीण येथील श्वान पथकास नेमणुकीस असलेले पोकॉ/२०१२ रामेश्वर गंगाधर परचंडे हे सध्या कोवीड १९ अनुषंगाने कोरोना रोगाचा प्रादुर्भाव रोखण्यासाठी मंद्रुप पोलीस ठाणेस दिनांक २१/०५/२०२० रोजीचे सायंकाळी २०:०० वा ते २२/०५/२०२० रोजीचे ०८:०० पर्यंत मौजे वडकबाळ येथील नाकाबंदी पॉईटवर कर्तव्य बजावत असतान, सदर ठिकाणी एक बोलोरो पिक अप वाहन अति वेगाने येताना दिसले. सदर वाहनास थांबविण्याचा इशारा केला असता, सदरचे वाहन हे न थांबता पोकॉ/२०१२ रामेश्वर गंगाधर परचंडे यांन गंभीर जखमी करून निघुन गेले. सहकाऱ्याने पोकॉ/रामेश्वर परचंडे यांना उपचारास्तव अश्विनी हॉस्पीटल येथे दाखल केले. सदर उपचारा दरम्यान आज दिनांक २३/०५/२०२० रोजी पोकॉ/२०१२ रामेश्वर गंगाधर परचंडे हे शहीद झाले. त्यांच्या पश्चात आई, पत्नी व १ मुलगा आहे. शहीद पोकॉ/२०१२ रामेश्वर गंगाधर परचंडे यांचेवर रुपाभवानी मंदिर जवळील तुळजापूर रोड, सोलापूर येथील स्मशानभुमीत अंत्यसंस्कार करण्यात येवुन, त्यांना सोलापूर ग्रामीण पोलीस दलाकडुन मानवंदना देण्यात आली आहे.
सोलापूर ग्रामीण जिल्ह्यातील पोकॉ/2012 रामेश्वर परचंडे हे कोविड 19 अनुषंगाने #कोरोना रोगाचा प्रादुर्भाव रोखण्यासाठी कर्तव्य बजावताना— SOLAPUR RURAL POLICE #StayHome #StaySafe🏡 (@SpSolapurRural) May 23, 2020
शहीद.. #fightagainstcoronavirus #SolapurRuralPolice @DGPMaharashtra @CMOMaharashtra @AnilDeshmukhNCP @Info_Solapur @AtulZende1 pic.twitter.com/MZI34IZWa3
याघटने संदर्भात अनिल देशमुख, गृहमंत्री, महाराष्ट्र राज्य, दत्ता भरणे, पालकमंत्री, सोलापूर, शंभुराजे देसाई, गृह राज्यमंत्री ग्रामीण, सतेज पाटील, गृह राज्यमंत्री शहर, यांनी व पोलीस महासंचालक, म.राज्य मुंबई, विशेष पोलीस महानिरीक्षक, कोल्हापूर परिक्षेत्र कोल्हापूर यांनी दुःख व्यक्त करून आदरांजली वाहिली आहे. या अनुषंगाने मंद्रुप पोलीस ठाणे येथे १४५/२०२० प्रमाणे गुन्हा दाखल असुन, सदर गुन्हयाचा तपास श्री. प्रभाकर शिंदे, उपविभागीय पोलीस अधिकारी, सोलापूर ग्रामीण विभाग हे करीत आहेत.
