देशात क्वचितच असा कोणी असेल ज्याने लहानपणापासून मोठं होत असताना क्रिकेट खेळला किंवा पाहिला नसेल. क्रिकेटची सवय आणि प्रेम असे आहे की जेव्हा जेव्हा संधी मिळते तेव्हा लोक दोन्ही हातांनी बॅट पकडतात आणि उंचच उंच शॉट्स भिरकवण्याचा प्रयत्न करतात.
अगदी भररस्त्यात असो किंवा बिल्डिंगच्या आवारात असो अनेक क्रिकेटपटू तुम्हीही पाहिले असतील. कदाचित आपणही त्यातील एक असू शकता. मात्र, आता हीच आवड ओडिशातील एका आमदाराला महाग पडली आहे.
ओडिशाच्या नार्ला मतदारसंघाचे आमदार भूपेंद्र सिंह नुकतेच कालाहांडी येथे एका क्रीडा कार्यक्रमाचे उद्घाटन करण्यासाठी गेले होते. तथापि, भूपेंद्रसिंग यांच्यातील फलंदाज खेळपट्टीकडे पाहून बॅट हातात घेण्यापासून थांबवू शकला नाही. तरुण मुले आणि चाहते पाहत असताना त्यांनी बॅट हातात घेत मैदानात प्रवेश घेतला. चेंडूला सामोरे जाण्यासाठी तयार असलेल्या आमदारांची रेकॉर्डिंग करताना एक मुलगा दिसत होता.
गोलंदाजाने संथ शॉर्ट बॉल टाकताच आमदारांनी पुल शॉट खेळण्याचा प्रयत्न केला. मात्र, उत्साहाने पायांची जास्त हालचाल करताना तोल न राहिल्याने आमदार अक्षरश: तोंडावर पडले.
क्रिकेटच्या मैदानात उद्घाटनाला आलेले आमदार पार तोंडावर आपटले... व्हिडीओ पाहण्यासाठी क्लिक करा.
