रस्ते कामासाठी नागज ते चोरोची मार्गावरील वाहतुक ढालगाव मार्गे वळविली

माणदेश एक्सप्रेस न्युज 
सांगली : गुहागर-चिपळूण-कराड-विटा-खानापूर ते कर्नाटक हद्द हा रस्ता राष्ट्रीय महामार्ग क्र. 166 ई असा घोषित झाला असून या संपूर्ण रस्त्याची पुनर्बांधणीचे काम सुरू आहे. यापैकी नागज-जत-मुचंडी ते कर्नाटक हद्दीपर्यंतचे 75 टक्केपेक्षा जास्त काम पूर्ण झाले आहे. नागज ते चोरोची (कि.मी. 0/00 ते 7/500) मध्ये मातीकाम खडीकरणाचे काम प्रगतिपथावर असून रेल्वे क्रॉसिंग च्या ठिकाणी पुलाची रूंदी फक्त 5 मीटर असल्याने चालू कामांमधून वाहतूक चालू ठेवणे धोकादायक आहे. तसेच काँक्रीटीकरणाचे काम झाल्यानंतर  28 दिवस क्युरिंग कालावधीमध्ये सदर रस्त्यावर ट्राफिक या रस्त्यास समांतर रस्त्यावर म्हणजे नागज-ढालगाव-चोरीची या मार्गाने वळवणे गरजेचे आहे. यासाठी वहातुक नागज-ढालगाव-चोरीची या मार्गाने वळवण्यासाठी पोलीस विभागास सहकार्य करण्याबाबत राष्ट्रीय महामार्ग विभाग कोल्हापूर चे कार्यकारी अभियंता यांनी कळविले आहे.

दैनिक मानादेश एक्सप्रेस Whats App Group मध्ये Join होण्यासाठी Click करा.