खरसुंडीत पावसामुळे बाजारकरांची तारांबळ
आठवडा बाजारात रिमझीम सरी
खरसुंडी/मनोज कांबळे: खरसुंडी येथे दर रविवारी आठवडा बाजार असतो. काल आठवडा बाजारात सायंकाळी साडेपाचच्या सुमारास पावसाच्या सरी कोसळल्या. अचानक आलेल्या पावसामुळे बाजारकरांची तारांबळ उडाली. व्यापारी, दुकानदार, व्यवसायिक, शेतकरी यांची पावसामुळे मोठी पळापळ झाली. पावसामुळे काही काळ बाजार बंद पडला.
खरसुंडी गटातील खरसुंडी येथे दर रविवारी मोठा बाजार भरतो. खरसुंडी शेजारील व आसपासच्या परिसरातील, वाड्या-वस्त्यावरील नागरिक आठवडा बाजारसाठी मोठ्या संख्येने खरसुंडी येथे येत असतात. साधारण: खरसुंडी यथील आठवडा बाजार हा सायंकाळच्या सुमारास फुल्ल भरतो. परंतु काल ५.३० वा. पावसाच्या हलक्या सारी आल्याने बाजारकरांची मोठी पंचाईत झाली.
