कडेगाव येथे टँकर पलटी होऊन चालक ठार
माणदेश एक्सप्रेस न्यूज
कडेगाव/प्रतिनिधी : कडेगाव येथे कँनालवरून पाण्याचा टँकर निघाला असता डावीकडील रस्ताच्या मुरुम खचल्याने टँकर पलटी होऊन चालक मौसा गुलाब सनदी (वय६०) रा. सांगली हे या अपघातात ठार झाले. कडेगाव येथील डोंगराई देवीच्या पायथ्याशी व सागरेश्वर सूतगिरणीचे वरचे बाजूला शिवशक्ती कंस्ट्रक्शनचे कँनाल अस्तरीकरणाचे काम सुरू आहे. या अस्तरीकरणावर पाणी मारण्याचे काम टँकरने सुरु होते.
यावेळी कँनालचा डावीकडील मुरुम खचल्याने टँकर पलटी झाला. या अपघातात टँकरचालक मौसा सनदी हे ठार झाले. हा अपघात सकाळी ११ च्या सुमारास घडला. याबाबतची फिर्याद कंपनी सुपरवाझर सुभाष मल्हारी अंधारी यांनी कडेगाव पोलीस ठाण्यात दिली आहे. अधिक तपास सपोनि शिदे करीत आहेत.