राज्यातील मंदिरे होणार खुली : मुख्यमंत्र्यांचे प्रकाश आंबेडकर यांना आश्वासन दिल्याने पंढरपूर येथील आंदोलन समाप्त
पंढरपूर : लवकरात लवकर लोकांसाठी मंदिर, मशीद, बुध्दविहार, जैन मंदिर सुरु केली जातील. त्यासाठी सरकार नियमावली तयार केली जात आहे, अशी माहिती मुख्यमंत्र्यांकडून मिळाली.
राज्यात लवकरच लोकांसाठी मंदिर,मशीद, बुध्दविहार,जैन मंदिर सुरु केली जातील.त्यासाठी सरकार नियमावली तयार करणार आहे,अशी माहिती मला मुख्यमंत्र्यांकडून मिळाली.आठ ते दहा दिवसात ही नियमावली तयार होईल आणि मंदिरं सुरु होतील,असं आश्वासन सरकारने दिलंय. pic.twitter.com/KzpiUnFkKc
— Prakash Ambedkar (@Prksh_Ambedkar) August 31, 2020
आठ ते दहा दिवसात ही नियमावली तयार होईल आणि मंदिरं सुरु होतील, अशी प्रतिक्रिया वंचित बहुजन आघाडीचे प्रमुख प्रकाश आंबेडकर यांनी दिली आहे.
मंदिरं खुली करण्यासाठी आज विश्व वारकरी सेवा आणि वंचित बहुजन आघाडीचे कार्यकर्त्यांनी पंढरपुरात आंदोलन मुख्यमंत्र्यांकडून आश्वासन घेतल्यावर समाप्त करण्यात आले. विठ्ठलाचे दर्शन घेऊन आल्यानंतर प्रकाश आंबेडकर यांनी माध्यमांशी संवाद साधला.
ते म्हणाले की, मी दर्शन घेतलं. 15 जणांच्या शिष्टमंडळाला दर्शन देण्यात आलं. मंदिरं खुली करण्याबाबत मुख्यमंत्र्यांनी चांगला निर्णय घेतला त्याबद्दल त्यांचं अभिनंदन करतो.
Join Free WhatasApp माणदेश एक्सप्रेस न्युज
