Type Here to Get Search Results !

भीषण अपघात ; चार जणांचा मृत्यू तर 35 जण गंभीर जखमी



भीषण अपघात ; चार जणांचा मृत्यू तर 35 जण गंभीर जखमी

नंदुरबार : प्रवाशांनी भरलेली ट्रॅव्हल्स खोल दरीत कोसळल्याने चार जणांचा मृत्यू झाला असून तब्बल 35 प्रवासी जखमी झाले असल्याचे सांगण्यात येत आहे. मिळालेल्या माहितीनुसार, पहाटे तीन वाजताच्या सुमारास ट्रॅव्हल्स गाडी दरीत कोसळली. धुळे सुरत राष्ट्रीय महामार्गावर कोंडाबाई घाटात हा भीषण अपघात घडला आहे. जळगावहून सुरतकडे जाणारी ही ट्रॅव्हल्स कोंडाबाई घाटातल्या दर्ग्याजवळ पुलावरून थेट 30 ते 40 फूट खोल दरीत कोसळली. यामध्ये चार जणांचा मृत्यू झाला आहे तर 35 प्रवासी गंभीर जखमी झाले आहेत.


अपघाताची माहिती मिळताच पोलीस आणि मदत कार्य घटनास्थळी दाखल झाले आहे. जखमींना तातडीने दरीतून बाहेर काढत नंदुरबार जिल्हा रुग्णालयात उपचारासाठी दाखल करण्यात आलं आहे. पोलिसांनी दिलेल्या माहितीनुसार, अपघात भीषण असून मृतांचा आकडा वाढण्याची शक्यता आहे.


दरम्यान, पोलिसांनी घटनास्थळावरून 4 मृतदेह ताब्यात घेतले असून त्यांची ओळख पटवण्याचं काम सध्या सुरू आहे. तर नेमका अपघात कसा झाला याचाही पोलीस शोध घेत असल्याची माहिती देण्यात आली आहे. ट्रॅव्हल्सही प्रवाशांनी भरली होती. तब्बल 35 ते 40 जण हे गाडीमध्ये असल्याचं सांगण्यात आहे.


Join Free WhatasApp माणदेश एक्सप्रेस न्युज


टिप्पणी पोस्ट करा

0 टिप्पण्या
* Please Don't Spam Here. All the Comments are Reviewed by Admin.

Top Post Ad

Below Post Ad

Hollywood Movies