आणखी एका भारतीय फलंदाजाची कमाल ; आयपीएल मध्ये केला ५००० धावांचा टप्पा पूर् ण
दुबई : आणखी एका भारतीय फलंदाजाची कमाल केली असून आयपीएल मध्ये त्याने ५००० धावांचा टप्पा पूर्ण केला आहे. मुंबईचा कर्णधार रोहित शर्माने आयपीएलच्या तेराव्या हंगामात एका विक्रमाला गवसणी घातली. रोहित आयपीएलमध्ये 5 हजार धावांचा टप्पा पूर्ण करणारा तिसरा भारतीय ठरला आहे. हा टप्पा पूर्ण करण्यासाठी रोहितला अवघ्या 2 धावांची गरज होती. त्याने पंजाबविरुद्धच्या सामन्यात चौकार खेचत हा विक्रम नोंदवला .
रोहितच्या आधी आयपीएलमध्ये पाच हजार धावांचा टप्पा बंगळुर चा कर्णधार विराट कोहली आणि सुरेश रैना या भारतीय खेळाडूंनी पार केला आहे. विराटने 180 तर रैनाने 193 सामन्यात 5 हजाराचा टप्पा पार केला. तर रोहितने 192 सामन्यात खेळताना हा विक्रम नोंदविला.
- आयपीएलमध्ये सर्वाधिक धावा करणारे दहा फलंदाज
- विराट कोहली - 180 सामने, 5430 धावा
- सुरेश रैना - 193 सामने, 5368 धावा
- रोहित शर्मा - 192 सामने, 5000 धावा
- डेव्हिड वॉर्नर - 129 सामने, 4793 धावा
- शिखर धवन - 162 सामने, 4648 धावा
- एबी डिव्हिलियर्स - 157 सामने, 4529 धावा
- ख्रिस गेल - 125 सामने, 4484 धावा
- महेंद्रसिंह धोनी - 193 सामने, 4476 धावा
- रॉबिन उथप्पा - 180 सामने, 4427 धावा
- गौतम गंभीर - 154 सामने, 4217 धावा
Join Free WhatasApp माणदेश एक्सप्रेस न्युज