IPL 2020 DC vs KKR : दिल्ली कॅपिटल्सचा कोलकाता नाइट रायडर्सवर विजय
शारजाह : दिल्ली कॅपिटल्सने कोलकाता नाइट रायडर्सवर विजय मिळवला. आयपीएल 2020 मधील दिल्ली कॅपिटल्सचा हा तिसरा विजय होता. दिल्ली कॅपिटल्स संघाने प्रथम फलंदाजी करत 228 धावांचे मोठे लक्ष्य दिले. पण कोलकाता नाइट रायडर्सला या आव्हानाचा पाठलाग करता आला नाही. कोलकाताला 20 षटकांत 210 धावाचं बनवता आल्या.
दिल्ली कॅपिटल्सने दिलेल्या 229 धावांचा पाठलाग करताना कोलकाताची सुरुवात खराब झाली. सुनील नारायण 3 धावांवर बाद झाला. त्यानंतर शुभमन गिल आणि नितीश राणा यांनी 64 धावांची भागीदारा रचली. नितीश राणाने फटकेबाजी करत 35 चेंडूत 58 धावा केल्या. त्यानंतर आंद्रे रसेल (13), दिनेश कार्तिक (6) आणि पॅट कमिन्स (5) झटपट बाद झाले.
That's that from Match 16 of #Dream11IPL as @DelhiCapitals win by 18 runs.#DCvKKR pic.twitter.com/JIyTe1zwdD
— IndianPremierLeague (@IPL) October 3, 2020
नितीश राणा बाद झाल्यावर दिल्ली सामना जिंकणार असं वाटत होतं. मात्र इयॉन मॉर्गन आणि राहुल त्रिपाठी यांनी फटकेबाजी केल्याने सामन्यात पुन्हा रंगत आल्याने दिल्लीचा कर्णधार श्रेयस अय्यर च्या चेहऱ्यावर काळजी पसरली. 229 सारख्या मोठ्या आव्हानाचा पाठलाग करताना इयॉन मॉर्गन आणि राहुल त्रिपाठी यांनी 30 चेंडूत 78 धावांची भागीदारी करत सामना केकेआर च्या बाजूने पुन्हा फिरविला. परंतु इयॉन मॉर्गनने बाद झाल्यावर केकेआरचा विजय निश्चित झाला. बाद होण्यापूर्वी इयॉन मॉर्गनने 18 चेंडूत 5 षटकारांसह 44 धावा केल्या, तर राहुल त्रिपाठीने 16 चेंडूत 36 धावा केल्या. अखेर १८ धावांनी केकेआरचा पराभव झाला.
फलंदाजीला उतरलेल्या दिल्लीची सुरुवात चांगली झाली. सलामीवीर शिखर धवन आणि पृथ्वी शॉ या दोघांनी अर्धशतकी सलामी दिली. अलवघ्या 5.5 षटकांत 56 धावा केल्या. धवन 26 धावांवर बाद झाला. पृथ्वी शॉने आपले अर्धशतक पूर्ण केले, पण नंतर तोही 66 धावांवर बाद झाला. त्याने 4 चौकार आणि 4 षटकार लगावले. ऋषभ पंतनेही फटकेबाजी करत अवघ्या 17 चेंडूत 38 धावा केल्या. त्यात 5 चौकार आणि एका षटकाराचा समावेश आहे. त्यानंतर कर्णधार श्रेयस अय्यरने तुफान फटकेबाजी केली. त्याने फक्त 38 चेंडूत नाबाद 88 धावा केल्या. या फटकेबाजी जोरावर दिल्लीने २२८ धावा केल्या.
Join Free WhatasApp माणदेश एक्सप्रेस न्युज
