‘त्या’ कलाकारांच्या चित्रपटांचे चित्रीकरण होऊ देणार नाही : या नेत्याने दिला इशारा
मुंबई : ज्या चित्रपट कलाकारांवर नार्कोटिक्स कंट्रोल ब्यूरोकडून अंमली पदार्थ सेवन करतात म्हणून शिक्केमोर्तब झाले आहे अशा कलाकारांना चित्रपट निर्मात्यांनी चित्रपटात काम देऊ नये.
ड्रग्स अंमलीपदार्थ घेणारे म्हणून नार्को विभागाने कारवाई केलेल्या कलाकारांना निर्मात्यांनी त्यांच्या चित्रपटात घेऊ नये; अन्यथा त्यांच्या चित्रपटाचे चित्रीकरण आरपीआय बंद पाडेल तसेच अशा चित्रपटांना प्रदर्शित होऊ देणार नाही. pic.twitter.com/GYTj7P8qef
— Dr.Ramdas Athawale (@RamdasAthawale) September 26, 2020
अन्यथा अशा चित्रपटांचे चित्रीकरण आरपीआय बंद पाडेल, या कलाकारांचे चित्रपट प्रदर्शित होऊ देणार नाही, असा इशारा रिपब्लिकन पक्षाचे राष्ट्रीय अध्यक्ष आणि केंद्रीय सामाजिक न्याय राज्यमंत्री डॉ. रामदास आठवले यांनी दिला.
सध्या गाजत असलेल्या बालीवूडमधील ड्रग्ज कनेक्शन प्रकरणी एनसीबीने अटक केलेल्या क्षितिज रविप्रसाद कोठडी देण्यात आली. काही दिवसांपूर्वी त्याच्या घरी जप्त केलेले ड्रग्ज व बँक व्यवहाराची तपासणी केली जाणार असून त्यातून आणखी काही बडी नावे उघडकीस येण्याची शक्यता सूत्रांनी वर्तवली. या प्रकरणात याआधी अनेक आघाडीच्या अभिनेत्रींचीही नावे जोडली गेली आहेत.
