सहकार व पणन मंत्री यांचा कोरोना अहवाल पॉझिटिव्ह
सातारा : सहकार व पणन मंत्री तसेच सातारा जिल्ह्याचे पालकमंत्री बाळासाहेब पाटील (Minister for Co-operation and Marketing and Guardian Minister of Satara District Balasaheb Patil) यांचा कोरोना अहवाल पॉझिटिव्ह आला जिल्ह्यात एकच खळबळ माजली आहे.
काल माझी कोविड-१९ चाचणी करण्यात आली होती, रात्री रिपोर्ट पॉसिटीव्ह आल्याने कराड येथील कृष्णा हॉस्पिटलमध्ये उपचार सुरू करण्यात आले आहेत. तब्येत ठीक आहे, काळजी करण्याची गरज नाही. माझ्या संपर्कात आलेल्या लोकांनी आठवडाभर विलगिकरणात राहावे.
पालकमंत्री पाटील यांनी कोरोनाच्या पार्श्वभूमीवर सातत्याने अधिकाऱ्यांच्या बैठका घेऊन प्रशासन अलर्ट ठेवण्याचे काम संकट काळात केले आहे. दरम्यान आज बाळासाहेब पाटील यांना कराडच्या कृष्णा हॉस्पिटलमध्ये उपचारासाठी दाखल करण्यात आले आहे.