माणदेश एक्सप्रेस न्युज
आटपाडी : विधानपरिषद निवडणुकीसाठी काँग्रेसकडून धक्कादायकपणे उमेदवारी जाहीर करण्यात आली असून दिग्गज नेत्यांना मागे टाकत जालना जिल्हा परिषदेचे माजी सभापती राजेश राठोड या युवा नेत्याला तर बीड जिल्हा काँग्रेसचे अध्यक्ष राजकिशोर उर्फ पापा मोदी यांना उमेदवारी दिली आहे.
प्रदेश काँग्रेसचे सचिव असलेले राजेश राठोड हे काँग्रेस पक्षाचा तरुण चेहरा आहे तर बीड जिल्हा काँग्रेसचे अध्यक्ष राजकिशोर उर्फ पापा मोदी यांचे सहकार क्षेत्रात मोठे योगदान आहे. हे दोनही उमेदवार बहुमताने विजयी होतील, याची मला खात्री आहे. pic.twitter.com/3UFXRzezD4— Balasaheb Thorat (@bb_thorat) May 9, 2020
राजेश राठोड हे एनएसयूआयपासूनच काँग्रेसमध्ये सक्रिय असून महाराष्ट्र प्रदेश काँग्रेस समितीचे सचिव म्हणूनही त्यांनी संघटनेत काम करत आहेत. तर बीड जिल्ह्यामध्ये काँग्रेसमध्ये राजकिशोर मोदी यांचे वर्चस्व असून त्यांनी जिल्ह्यात भाजप मजबूत असूनसुद्धा काँग्रेसला जिवंत ठेवण्याचे काम केले असून त्यांचे सहकार क्षेत्रातही मोठे योगदान आहे. विधानपरिषदेसाठी काँग्रेसमध्ये नसीम खान, रजनी पाटील, माणिकराव ठाकरे, हर्षवर्धन सपकाळ यांच्यासह अनेकांच्या नावाची चर्चा होती. मात्र काँग्रेस हायकमांडनं अखेर राजेश राठोड व राजकिशोर उर्फ पापा मोदी यांच्या नावाला पसंती दिली आहे.
