माणदेश एक्सप्रेस न्युज
आटपाडी/प्रतिनिधी : फुले-शाहू-आंबेडकर विचार मंच आटपाडीच्या वतीने संविधान जनजागृती सप्ताह व्याख्यानमाला निमित्ताने भव्य रक्तदान शिबिर संपन्न झाले. या रक्तदान शिबिराचे उद्घाटन विचारमंचचे अध्यक्ष राजेंद्र खरात केले. आटपाडीतील राजारामबापू हायस्कूल सदरचे रक्तदान शिबिर दिनांक 23 रोजी ९ ते ४ या वेळेत संपन्न झाले.
फुले शाहू आंबेडकर विचारमंचच्या वतीने दरवर्षी संविधान जनजागृती सप्ताहानिमित्त व्याख्यानमाला आयोजित केली जाते. व्याख्यानमालेचे हे पाचवे वर्ष असून यानिमित्त प्रथमच विचार मंचच्या वतीने रक्तदान शिबिराचे आयोजन करण्यात आले होते. रक्तदान हे श्रेष्ठदान असून, रक्तदानाचे कार्य महान कार्य आहे. रक्तदानामुळे एखाद्याचा जीव वाचू शकतो. त्यामुळे या शिबिराचे आयोजन करण्यात होते. विचारमंचच्या वतीने रक्तदात्यांना प्रोत्साहनपर हेल्मेट कुकर यावेळी भेट देण्यात आला.यावेळी एकूण ४१ रक्तदात्यांनी रक्तदान करून आपले कर्तव्य पार पाडले. त्यांना विचारमंचच्या वतीने प्रोत्साहनपर भेट वस्तू व प्रमाणपत्र यावेळी देण्यात आले. सदरचे रक्तदान शिबिर सांगोला येथील रेवनील ब्लड बँकेच्या सहकार्याने संपन्न झाले.