धवलसिंह मोहिते-पाटील पराभूत
विरोधी गटाचे पद्मजादेवी मोहिते-पाटील, भानुदास सालगुडे-पाटील व धवलसिंह मोहिते पाटील हे तीनही पॅनेल प्रमुख पराभूत
माणदेश एक्सप्रेस न्युज
माळशिरस/संजय हुलगे: श्री. शंकर सहकारी साखर कारखाना लि. सदाशिवनगर या साखर कारखान्याची मतमोजणी सुरू विरोधी पद्मजादेवी मोहिते-पाटील गटाचे प्रमुख धवलसिंह मोहिते-पाटील हे सुद्धा पराभूत झाल्याने विरोधी गटाच्या उरल्या-सुरल्या आशाही संपुष्टात आल्या.
बोरगाव सहकारी उत्पादक गटातून त्यांना पराभव स्वीकारावा लागला. या गटातून दत्तात्रय चव्हाण ४१२८, बलभीम पाटील ४०९२ व भगवान मिसाळ ३९८१ मते घेत विजयी झाले तर विरोधी गटाच्या सुदर्शन मिसाळ १०९३, धवलसिंह मोहिते-पाटील ११९४, व पांडुरंग शेटे १०१९ एवढी मते मिळाली.
त्यामुळे विरोधी गटाचे पद्मजादेवी मोहिते-पाटील, भानुदास सालगुडे-पाटील व धवलसिंह मोहिते पाटील हे तीनही पॅनेल प्रमुख पराभूत झाल्याने विरोधी गटातील कार्यकर्त्यांचा हिरमोड झाला. परंतु खासदार मोहिते-पाटील गटाच्या तगड्या उमेदवारांना पद्मजादेवी मोहिते-पाटील गटातील उमेदवारांनी लढत दिल्याने येथून पुढील निवडणुका ह्या बिनविरोध अथवा एकतर्फी होणार नसल्याचे या निकालावरून दिसून येत आहे. निवडणुकीच्या अधिक माहितीसाठी आमच्या www.mandeshexpress.com या वेबसाईट ला भेट द्या.
